Аԥсны Аҳәынҭқарра Аҵара аминистр Хана Гәынба араионқәа аҵара аҟәшақәа рнапхгаҩцәеи Аҟәа ақалақь аҵара Аусбарҭа анапхгаҩи алархәны аусуратә еиԥылара мҩаԥылгеит.
Аилатәара иалахәын Аԥсны Аҵара аминистр лхаҭыԥуаҩ Хьыбла Шамба, Аԥсны Аҵара аминистррра Азеиҧши абжьаратәии азанааҭтә ҵареи Русбарҭа аиҳабы Маиа Цыбулевскаиа, Аҵара аминистрра аспециалистцәа.
Аиԥылараҿы аҵарашықәс алагара иалацәажәан, аҵарашықәс ҿыц азы аусуратә хырхарҭақәа шьақәдыргылеит.
Аҟәшақәа рнапхгаҩцәа ашколқәа аҵарашықәс ҿыц азхиаразы адырра ҟарҵеит.
Хана Гәынба аҭыԥантәи аусбарҭақәеи Аҵара аминистрреи рыбжьара активла аусеицура аҵак ду шамоу азгәалҭеит.
